Еуропа мен Африкадағы ең ірі кеміргіш. Қалың бұталар мен тоғайлы құрғақ, ашық жерлерде мекен етеді. Ересек жануардың денесінің ұзындығы 60-90 см-ге дейін, ал ең ірі және ең семіз жануарлардың дене салмағы 27 кг-ға дейін жетеді. Құйрығының ұзындығы шамамен 12-14 см. Жайраның денесіндегі сояулардың саны 3000-ға дейін жетеді, инелері өте күшті және өткір болып келеді.Тіпті қалың аяқ киімнің терісін оңай тесіп жібере алады.
Олар шағын топ болып өмір сүреді, күндіз үңгірде ұйықтап, түнде азығын іздеуге шығады.
Түнгі өмір салтын ұстанып, күндерін қуыста немесе үңгірде өткізеді. Қазған індерінің тереңдігі 10 м-ге дейін жетеді.
Төлдерінің көзі ашық болып туылып, инелері бастапқы кезде жұп-жұмсақ, бір аптадан кейін өткір және қатты болады. Шөптермен, тамырлармен, пияздармен, ағаш тұқымдары мен бұталардың жемістерімен, сондай-ақ жәндіктермен қоректенеді.
Өмір сүру ұзақтығы: 18-20 жылға жуық.
09:00 - 20:00
09:00 - 18:00
