Фенек

Фенек немесе қалқанқұлақ түлкі  иттер тұқымдасына жататын Солтүстік Африканың шөлдерінде тұратын кішігірім түлкішек. Өзінің атын осы аң арабтың fanak сөзінен алынған, бұл "түлкі" сөзін білдіреді. Негізінде ол құрт-құмырсқалармен, шағын сүтқоректілермен және құстармен азықтанады.
Фенек – ең кішкентай түлкішек. Құйрығымен санағанда дене тұрқы 30-50 см, ал салмағы 1,5 кг-ға дейін. Алайда, табиғат оған шамадан тыс үлкен құлақ берген. Құрғақ шөлдерді мекендеп, бұл аң шыжыған күннің астындағы өмірге әбден бейімделген.
Құлағының ұзындығы 15 см-ге дейін жетеді. Құлақтар фенектің шыжыған шөлдегі өмірінде көмектесуші бірден-бір құрал болып табылады. Сақ локатор-құлақтары 1,5 км қашықтыққа дейінгі олжаның тұрған орнының дыбысын аңғарады. Фенектер түңгі жануарлар болғандықтан, азығын аулауға ақшамда шығады және шөлде таң атқанға дейін қожалық етеді. Күндіз шыдатпайтын аптап ыстықта түлкішектер өздерінің құмнан қазған терең індерінде тығылып жатады. Ін неғұрлым терең болған сайын, соғұрлым онда салқынырақ. 
Фенек жұптарымен өмір бойы жұптасады. Буаздау кезеңі қаңтар ақпан айлары. Олардың төлдері наурыздан мамырға дейін пайда болады. Аналығы бірден бес күшікке дейін алып келеді. Күшіктері жарыққа зағип және мүлде қорғансыз болып келеді. 12-20 күннен кейін түлкішектер көздерін ашады, ал үш аптадан соң қатты тағамды байқап көреді. Бір айға толғанда күшіктер сыртқы әлеммен таныса бастайды, ал екі айда олар аналарынан бөлінеді. 
Өмір сүру ұзақтығы:7-8 жылға жуық.