Тазқара

Таралуы: Оңтүстік Еуропа, Солтүстік Африка, Алдыңғы Орта және  Орталық Азия, Қазақстан.
Салмағы: 12 кг.
Қанаттары: 2,5 - 2,9 м
Сипаттама: Тазқара – өте ірі құс. Денесінің ұзындығы 1 метр, қос қанатының жалпы ұзындығы 2,20 метрге дейін жетеді. Екі көзінің айналасы мен мойны тықыр келеді. Тазқара көбінесе таулы жерлерде тіршілік етіп, өлексемен қоректенетіні белгілі. Ол өлексенің етін жеп, сүйегін  бітеудей жұтады. Тазқара деген атауына қарамастан, мойынның қауырсындары қара емес, сұр-қоңыр түсті. Тек бір жасқа дейінгі жас құстарда қара реңк болады. Олардың басы аздап түкті  келеді. Тұмсығы сүйір, еңкейген. Құс мойынының бүйірлері мен артқы жағы қауырсынсыз келеді, мұнда терісі бозғылт қызғылт реңкке ие. Жаңа туған балапандары әуелде сарғыш болып келеді, содан кейін ол сұр мамық жүндерге өзгереді. Жалпы құстың ұзындығы 75-100 см. Тазқара халықаралық Қызыл кітабына енгізілген.
Көбеюі:Тазқаралар ағаштарда жұптасып ұя салады. Аналығы бір жұмыртқа салады кей жағдайда 2 еу, шамамен 7-9 см,  Аталықтары мен аналықтары жұмыртқа шыққанға дейін, жұмыртқаға кезектесіп отырады, бұл 55 күнге дейін созылуы мүмкін. Тазқара - өте қырағы құс. Ол жерден 1-2 км биіктікте қалықтап, жемтігін іздейді. Бұл құстың көру қабілеті адамдікінен жеті есе жоғары.
Ал ең қызығы бұл құс табиғат тазалықшылары немесе санитар құс деп аталады. Ол өлексемен қоректенеді, осылайша жер бетін инфекциялар мен әртүрлі аурулардан тазартады. Аймақтағы өлген жануарлардың мәйіттерінен тазартып табиғатқа пайда әкеледі.
Біздің зообақта биыл 2023 жылы тазқаралар жұптасып дүниеге бір балапан алып келді. 
Өмір сүру ұзақтығы: 30 жылға жуық.