Жасыл мартышка

Жасыл мартышка көлемі жағынан үй мысығынан үлкенірек келеді, дене ұзындығы басымен қоса алғанда  57-71 см, құйрығының ұзындығы 30-48 см. Аталығының салмағы шамамен 5 кг, аналықтары - 3,5 кг, екі жыныстың да ұзын өткір тістері бар. Иықтары арқасы және құйрығы сарғыш-жасыл түске боялған қысқа сұр түкпен жабылған, денесінің төменгі бөлігі ақшыл, басындағы «қалпақ» жасыл түсте келеді, тұмсығы ақ. Терісі қара, табаны мен алақандары сарғыш.
Жасыл мартышкалардың дыбыстық байланысы өте жақсы дамыған. Бағынышты еркектері аналығына мойынсұну белгісі ретінде «wa» дыбысын үздіксіз шығарып отырады. Агрессияға ұшыраған аналықтары мен жас төлдері төмен, монотонды дыбыс шығарады. 
Өмір сүру ұзақтығы: 18-20 жылға жуық.