Кәдімгі түлкі

Кәдімгі түлкі жыртқыштар отрядының иттер тұқымдасына жататын аң. Түлкі ең ажарлы жыртқыш аңдардың бірі. Терісінің реңі қызғылт сары, құйрығы ұзын, түкті, тұмсығы ұзын әрі жіңішке, ал көздерінен айлакерлік аңғарылады. Түлкі кішкентай ит шамалас. Жирен аңның реңі ашық сары түстен сұр түске дейін кездеседі. Солтүстік жақта мекендейтін түлкілердің терісі қызғылт түсті, қыр далада мекендейтін түлкілердің терісі сұр және сары түстес. Терісі қара түсті түлкілер де болады. Қара сұр түлкнің терісі ең әдемі болып саналады.
Байқампаздық пен зеректілікпен қатар, түлкінің есте сақтау, иіс сезу қабілеті күшті және ол сақ құлақ. Жыртқыш аң ретінде түлкі түрлі жануарларды қорек етеді. Түлкілердің жүктілігі 51-52 күнге дейін созылады. Олар дүниеге 5-6 жәудір әкеледі.
Қызықты мәлімет: Олардың есту қабілеті өте жоғары дамыған. Сұр тышқанның шиқылын 100 м. қашықтықтан естиді.
Өмір сүру ұзақтығы: 10-20 жылға жуық.