Ерекше жолақ түсімен танымал сүтқоректілердің ежелгі тамыры терең Африка тарихында жатыр. Бір жерде өмір сүретін зебралар арасында кейбір ұқсастықтар болғанымен, жолақ үлгілері ешқашан бірдей болмайды. Жолақты өрнек әр жануарға ғана тән, соның арқасында және зебралардың көру қабілеті мен есте сақтау қабілеті арқасында олар бір-бірін тани алады.
Зебраның дене тұрқы 200 – 240 см, биіктігі 120 – 140 см (шоқтығынан алғанда), құйрығының ұзындығы 47 – 57 см, салмағы 350 кг-дай. Терісін айқын көрінетін ақ, қара жолақтар жапқан. Тікірейген, қысқа жалдары болады. Негізінен 10 – 30-дан топтанып жүреді.
Зебралар – өте сақ, тез жүгіретін жануарлар. Негізінен шөптесін өсімдіктермен қоректенеді. Сондықтан олар қорегінің маусымдық өзгеруіне байланысты бір жерден екінші жерге үнемі ауысып отырады. 1 – 1,5 жасында жыныстық жағынан жетіледі. Бұлар жыл бойына көбейе береді. Буаздық мерзімі 11 – 13 ай, аналығы 1-2 бас құлынды көбінесе, жаңбырлы кезеңдерде туады. Зебралар табиғи жағдайда тіршілік ететін жануар болғандықтан, оларды қолға үйрету өте қиын.
Зебралар туралы қызықты деректер:
-Зебралардың отбасында әрқашан бір айғыр - үйірдің көшбасшысы болады.
- Зебралар туылған соң бір сағаттан кейін аяқтарына тұрып, бірнеше аптадан соң-ақ жайыла береді.
-Зебраның терісіндегі жолақтар ерекше. Олардың бірегейлігін адамның саусақ ізімен салыстыруға болады.
-Демалу кезінде зебраларға қауіп төнген жағдайда үйіріне ескерту жасау үшін күзет қойылады.
Өмір сүру ұзақтығы: шамамен 20-25 жылға жуық.
09:00 - 20:00
09:00 - 18:00
