КҮҢГІРТ ЖОЛБАРЫС ТҮСТІ ПИТОН

Сипаттамасы: Питон-бауырымен жорғалаушылар класы, қабыршақтылар отряды, жалған-аяқтылар тұқымдасы тармағына жататын улы емес жылан.
Питондардың түсі әртүрлі. Бір түстілері, шұбарлары да, ағашта жүретін жасыл түстілері де бар. Питондардың ұзындығы 1-8 метр аралығында салмағы 140 келідей болады.
Питондардың ерекшелігі –адамдар секілді екі өкпесінің болатындығында. 
Үстіңгі жағының қақ ортасында «премаксила» дейтін сүйегі болады. Тістері соған орналасқан. Көптеген түрлерінің жоғарғы ерін қалқанында бөгде жануардың жақындап келе жатқанын сездіретін шұңқыры болады.
Питондардың бірден жұта алмаған жемтігінің денесіне оралады да, шиыршықталып, бұлшық етімен тұншығып қалғанша буындырып қыса береді.
Негізінен майда сүтқоректілермен қоректенеді. Дегенмен кішірек шошқалар мен ешкілерді де жұтып жібереді. Ірі жануарды жұтып жібергенде асқазаны ұзақ уақыт қорытады. Сондықтан 1,5 жылға дейін қоректенбей жүре алады.
Адамдар үркітпесе, тиіспесе, питон адамға өздігінен шабуыл жасамайды.
Өмір сүру ұзақтығы: 18-22 жылға жуық.