Денесінің ұзындығы 180 см, қанатын жайғанда ұзындығы 260 см-ге дейін жетеді, қанатының ұзындығы 70 см, құйрығының ұзындығы 18 см, салмағы 10 – 13 кг. Аққудың қауырсыны аппақ, туылған балапанының түсі сұр түсті болады. Аяғы көбінесе қара түсті. Суда жүзгенде мойны иіліп, латын әліпбиіндегі S әрпіне ұқсайды. Ұшқан кезде дыбыс шығармайды, мазасызданған кезде кейде сыбырлағандай болады, құстың аты осы қасиетіне қарай қойылған. Негізінен су астындағы өсімдіктермен, ішінара омыртқасыздармен де қоректенеді. Өте сымбатты құс. Олар көлдерді, кейде тіпті су өсімдіктері өскен батпақтарды мекендейді. Адамдар сирек баратын шалғай су айдындарын жақсы көреді.
Өмір сүру ұзақтығы: 25-30 жылға жуық.
09:00 - 20:00
09:00 - 18:00
